أسكريبت "ودن من طين " المشهد الأول :-"حوار بين محمد وخالد عن الزواج وتبرير خالد شغفه بالإنترنت وانعزاله عن الحياة الواقعية." تبدأ القصة بالصديقين محمد وخالد وهما شابين في نفس العمر في العشرين من العمر تلك المرحلة التي تتصف بالقوة وفي نفس الوقت بالحيرة الشديدة في كثير من الأمور بعض النضج أكثر من مرحلة المراهقة فليس الشخص طفلاً لايفقه شيئا وليس الشخص مراهقا يعتقد أنه الصواب في كل شيء تبدأ القصة حيث يندهش محمد من صديقه خالد لاهتمامه الزائد عن الحد بمشاهدة الانترنت وتركه الحياة الواقعية "أيه يسطا انتا اليوم كله علي الزفت التليفون وموركش غير النت يا جدع ؟!!." -رد خالد علي صديقه محمد مبرراً أن ليس هناك جديد يذكر وليس ما يدعو لاهتمامه بالحياة ويحمسه في تلك الحياة البغيضة:-"عايزني أعمل أيه يعني أديني بسلي وقتي ويمكن اشقطلي واحدة." رد محمد علي كلامه بسخرية:-"وأنت شايف في نفسك أحمد عز أيه الثقة اللي أنت بتتكلم بيها ديه ؟!!." رد بغضب فاتر :-"ياعم مش ثقة يا عم أنت جاي تحبطني أكتر ما أنا محبط سيبني في كراكيبي الله يباركلك أنت جاي تعملي جلد ذات علي المسا ليه يارب كده دونان عن ١٠٠مليون بني آدم يطلع من حظي هذا الكائن!!." محمد بغضب متصنع:-"شكراً يا عم." خالد بتكبر :-"العفو يسطا أبقي تعالي كل يوم." حاول محمد مع خالد مجدداً ممازحا هذه المرة قائلا:-"يا جدع أنتا مزهقتش من التليفون يا جدع ومن النت مش نفسك تكمل نص دينك العضمة كبرت ومحتاجة اللي يحس بيها يبني ." رد خالد بمزاح متبادل:-"طيب بزمتك في واحدة من اللي عارفينهم يتقال عليها واحدة ست يا جدع ده أمسح الميكب بتاع الواحدة من دول تلاقي سيد صاحبنا مع الاعتذار لسيد صاحبنا أكيد 😂😂🙂." رد محمد علي كلامه:-"يبني بقي بطل تنمر على خلق الله الجمال جمال الروح والأخلاق يا برنس." رد خالد ممازحا:-"طب روح حضر أرواح بعيد عني." رد محمد وهو مصمم علي إقناع خالد بضرورة إقلاعه عن إدمانه الإنترنت:-"بكلمك بجد لازم تفوق لنفسك صح النوم العمر بيعدي يا صاحبي هوا أعمل بصمتك في الحياة ديه،خليك حي ومتكنش مجرد على قيد الحياة." رد خالد علي كلامه بسخرية:-يا ابني بطل فلسفتك ديه اللي ملهاش لازمة ،بزمتك في أيه في الحياة ديه أسيب التليفون علشان مفيش حاجة بتتغير غير للأسوأ يا صاحبي الأسعار كلها بتغلي كل دقيقة تقريباً ،كيلو اللحمة اللي كان من تمن شهور ب١٤٠جنيه دلوقتي بقي ب٣٠٠جنيه وهيقفل ال٥٠٠جنيه قريب وممكن يوصل لباكو في يوم من الأيام ،مبقاش حاجة تدعو الفرحة ولا للتفاؤل خليني في اللي أنا فيه يمكن أنسي أني نسيت يا صاحبي ،كمان يا جدع يمكن ألاقي ليا واحدة أجنبية أتجوزها وأعيش علي قفاها ." محمد معارضاً كلامه :-"يا سلام عليك من قمة البؤس واليأس للتفاؤل أن أحلامك تتحقق من جوازتك من واحدة كركوبة تعيش علي قفاها لابجد عاش يسطا." رد خالد علي كلام محمد وهو معتزا بذاته :-"طبعا يبني وده غرور علي فكرة." محمد بغضب متصنع:-"يا عم اتوكس." خالد ممازحا :-"الله عليك يا بتاع التنمية البشرية يا داعمني." محمد غاضباً:-"يا ابني نفسي تقتنع بكلامي ولو مرة في حياتك." رد خالد وهو يحاول أن يقنع محمد بوجهة نظره :-"طيب بزمتك مش كلامي صح أنا أتجوز واحدة أجنبية سنها خمسين أو ستين سنة وتكوني مليونيرة أعيش ملك زماني وسنة ولا اتنين وتتكل علي الله وأورث أنا كل أملاكها مش صح برضه ولا أيه يا فليسوف زمانك ؟!!." رد محمد معارضاً كلام خالد"طيب يا ابني ما تتجوز علي أرض الواقع زي البشر العاديين واحدة من سنك يا حبيبي ولا أكبر منك ما أختلفناش بس تبقي أكبر منك بكام سنة يا حبيبي مش في سن أمك أمك أيه ديه في سن جدتك يلا ." رد خالد ممازحا:-"يا عم ومالها اللي سنها خمسين ولا ستين سنة فيها الروح برضه وتبقي كبيرة وعاقلة وراسية كمان أنا مليش في الحب والكلام الفاضي ده أهم حاجة في الدنيا الفلوس الفلوس وبس يا عمنا ." رد محمد محاولا تبرير وجهة نظره لخالد:-"فكر مريض مريض بجد ،يا عمي أهم حاجة الحب والتواصل مع بشر يحبوك أهم حاجة المشاعر الحقيقية مش المزيفة كمان يا ابني أنتا مش محتاج فلوس والدك جاي من الكويت وعنده فلوس زي الرز عاوز أيه تاني ؟!!." رد خالد بحزن ممزوج بالغضب ولكن حاول عدم إظهار ذلك ولكنه لم يستطع ذلك :-"عاوز أكون نفسي وذاتي مش عارف يا صاحبي ،يا فرحتي بأبويا وأمي اللي كل أول كل شهر يدوني وبعدين ينسوني والحقيقة هم ناسيين ابنهم العمر كله ،والدي اللي فضل عشرين سنة من عمره في الكويت وفي الاخر لما جه انفصل عن والدتي لما بقي غني واتجوز غيرها أول ما غني باع أم عياله وحب عمره وفي الاخر تقولي حب ومشاعر حقيقية يا عم متضحكش علي نفسك وعليا مفيش حب في الدنيا ديه مفيش غير المادة بس هي اللي بتحكم وتسيطر في الدنيا ديه غير كده مفيش." رد محمد علي خالد وقد شعر أنه جرح مشاعر خالد:-"يا صاحبي أنا آسف مقصدش والله متزعلش مني والله،أنا عاوزك تعيش حياتك وتحقق كل اللي نفسك فيه وتفرح." رد خالد ممازحا:-"يا صاحبي استحالة أزعل منك كمان لو مش هستحملك أنا مين اللي هيستحملك يعني ." رد محمد غاضبا "تستحملني ؟!!،آه يا جزمة وأنا اللي بواسيك وعامل أنك إنسان وبتحس." رد خالد بسخرية"لا أناناس." رد محمد غاضبا :-"يا ابني أتكلم بجد شوية في حياتك شوف حياتك ،حقق اللي نفسك فيه واتجوز واحدة تنور حياتك أنا ذات نفسي ناوي النهارده أكلم الحاج علي يارا ونتقدم لأبوها الحاج إسماعيل." رد خالد بسخرية"طيب بزمتك انتا مقتنع بكلامك يبني السنجلة جنتلة والارتباط إحباط." رد محمد بغضب بمزيج من المزاح"لايا شيخ ومين اللي كان عاوز يتجوز واحدة من سن نفرتيتي من شوية سبحانه ." رد خالد ممازحا"يا عم وأنا لما أتجوز واحدة من سن نفرتيتي يبقي ارتباط يا عم ديه جوازة مصلحة يا باشا أسمع كلامي تكسب ." رد محمد معارضاً كلامه"لا يا عم أنا مستغني عن نصايحك يا عم الواعظ سلام بقي هروح أشوف الحاج علشان أفتحله الموضوع." رد خالد ساخرا"بكره تندم يا جميل." رد محمد واثقا بنفسه"أستحالة أندم يا ابني أنتا بتقول أيه بس ؟!!." رد خالد بثقة "بكره نقعد علي الحيطة ونسمع الزيطة يا عم الواثق ." رد محمد ممازحا"يا ابني مش ناوي تبطل كلامك ده سلام بقي وقتك خلص معايا أنتا هتصاحبني يلا أنتا نسيت نفسك ولا أيه؟!!." رد خالد بسخرية:-"ماشي يا عم بس بكره تقول صاحبي خالد كان عنده حق في كل كلمة قالها ." ---------------------------&&&&&&&-------------- المشهد الثاني:-"محمد يتحدث مع والده الحاج فؤاد بخصوص زواجه من يارا " بدأ محمد الحديث مع والده في الصباح الباكر بتودد:-"صباح الخير يا بابا يا حبيبي يا سندي ربنا يخليك ليا يارب ." رد الحاج فؤاد ممازحا ابنه محمد"عاوز أيه أنتا ما تقولش الشويتين بتوعك دول غير لما بتكون عايز حاجة." رد محمد بتودد أكثر من الأول:-"وأنا لازم أكون عاوز حاجة لما أكلم والدي حبيبي روح قلبي من جوه ." رد الحاج فؤاد بحزم :-"خليك دوغري عاوز أيه يا محمد خلصني ." رد محمد موضحا ما يرد بشكل صريح"الصراحة يا والدي أنا عاوز عاوز أهم حاجة حاجة طول عمرك أكيد وانتا بتفكر فيها وكنت بتتكلم معايا بخصوصها كتير وجه الوقت أني أطلبها منك ." رد الحاج فؤاد علي ابنه محمد"أيه الحاجة ديه أنا طلبت منك حاجات كتير أيه بالصبط وضح فرحني ." رد محمد وهو في غاية الغبطة "الصراحة يا أبويا أنا كبرت وطبعا بيجي علي كل واحد فترة يبقي لازم ليه نصه التاني وينوي أنه يكمل نص دينه والصراحة جه الوقت أني أكمل نص ديني والوقت ده دلوقتي." رد الحاج فؤاد بفرح ممازحا ابنه "ياه محمد كبرت وبقيت زي الشحط وعاوز تتجوز وتكمل نص دينك وعلي كده أيه اللي أمها داعية عليها قصدي دعيلها." رد محمد علي والده "الصراحة عاوز أتجوز يارا بنت الحاج إسماعيل سعيد بنت محترمة وخريجة كلية تجارة وأبوها متدين ويعرف ربنا سبحانه وتعالى ومش هيتقل علينا في الطلبات وهيتمم الجوازة ." رد الحاج فؤاد علي ابنه محمد في غاية الفرح"يا زين ما أخترت يا ابني والله حسب ونسب واحترام علي بركة الله يا ابني هنروح نتقدم النهارده في الليل بعد العشا إن شاء الله." رد محمد علي والده فؤاد بفرحة شديدة "حبيبي يا أبويا ربنا يخليك يارب ويطول في عمرك يارب ." رد الحاج فؤاد علي ابنه محمد"يارب يا ابني ربنا يتمم علي خير يارب ويبارك حياتكم أنتو الاتنين يارب." ----------&&&&&&&----------------------------- المشهد الثالث" محمد والحاج فؤاد يعرضون علي الحاج إسماعيل سعيد زواج يارا من ابنه محمد." يبدأ المشهد يطرق الحاج فؤاد الباب سلام عليكم يا أهل الدار رد الحاج إسماعيل"أيوه مين بيخبط" رد الحاج فؤاد "أنا الحاج فؤاد يا حاج إسماعيل." يفتح الحاج إسماعيل الباب ويصافح الحاج فؤاد وابنه محمد مرحبا به "يا أهلا وسهلاً منورين إحنا زارنا النبي والله يا أم محمود الشاي ." رد الحاج فؤاد بفرحة "الصراحة خليها شربات 😂😂" رد الحاج إسماعيل "ها تقصد أيه يا حاج فؤاد ؟!!" رد الحاج فؤاد "الصراحة إحنا جايين نطلب أيد بنتك يارا لأبني محمد علي سنة الله ورسوله قولت أيه يا حاج إسماعيل." رد الحاج إسماعيل "طبعا إحنا لينا الشرف أننا نبقي أهل وعيلة ." الحاج فؤاد "تسلم يا حاج إسماعيل ده بس من ذوقك طلباتك أيه يا حاج إسماعيل ؟." الحاج إسماعيل:'طلبات أيه بس إحنا هناسب راجل نديها ليها من غير أي حاجة ده كفاية أخلاق ابنك." رد الحاج فؤاد"تسلم والله علي كل الكلام ده بس برضه لازم نشرط ديه بنتك ولازم تضمن حقها برضه." رد الحاج إسماعيل علي عكس ما قاله منذ دقيقة فقط"صلوا علي النبي يا جماعة مبدأيا كده ١٠٠جرام دهب و١٠٠ألف جنيه كلفة ومليون جنيه مؤخر والعشا عليكم ." قاطع الحاج فؤاد كلام الحاج إسماعيل بغضب ممزوج بسخرية "مش عايز بالمرة يبقي شهر العسل في باريس وكمان صافنيار ترقص في الفرح وقاعة الفرح تبقي في شرم الشيخ كمان أيه العشا عليكم أدام إحنا بنبات من غير عشا أنت بتقول أيه؟!!." حاول محمد جعل والده يهدأ قاطعه والده الحاج فؤاد"مالك أنتا كمان ديه جوازة مش باين ليها ملامح ليه إحنا جايين ننقدم في جورجينا ولا أيه أدام أنتا بنتك بضب ووشها عامل زي شكمان العربية البايظ قاعد تتني وتتجعص علينا علي أيه يا عم أنتا ؟!!" رد الحاج إسماعيل بغضب"نعم أنتا بتتريق علي بنتي " رد الحاج فؤاد "أيوه بتريق عليها هي مين يعني ولا تكون مين ملكة جمال العالم ولا أيه؟!!" رد الحاج إسماعيل بغضب ممزوج بسخرية"أحترم نفسك أنتا في البيت وملكش غير أدبك كمان أنتو تطولو تنسبوني " رد الحاج فؤاد بغضب ممزوج بسخرية أكبر"مش عاوزين نطول الله الغني يلا ومن غير سلام ." رد محمد"يا أبويا علشان خاطري أستني وعمي هيغير رأيه " رد الحاج فؤاد بسخرية"علي أيه متمسك بيها هي يارا إسماعيل مش صافينار يعني ولو صافينار مش هيتطلب فيها كل ده يعني." رد محمد علي والده "يا أبويا الكلام لسه مخلصش " رد الحاج إسماعيل مقاطعا"أنا كنت ممكن أغير كلامي وأقلل ألف ولا اتنين بس علشان الكلام ده مفيش جواز أحسن." رد الحاج فؤاد بغضب شديد"يكون أحسن بركة يا جامع جت من عند ربنا يلا محمد ومش هكررها تاني ." ------------&&&&&&--------------------------- المشهد الرابع "خالد يسخر من محمد بعد معرفته بعدم إتمام زواجه من يارا " خالد بعد ما قص عليه محمد ما حدث"أنا قولتلك بكره تندم يا جميل واديك ندمت يا جميل قولتلك يا ابني خليك زيي مقضيها علي النت أشقط أي واحدة وكله تسلية مفيش غير أني بدور علي واحدة أجنبية تكون كبيرة في السن أتجوزها وأعيش علي فلوسها وأعيش علي فلوسها وعايش سلطان زماني قعدت تقول حب ومشاعر حقيقية عامل أيه يا حقيقي باشا " محمد بغضب "اتريق اتريق ما ديه فرصتك بتتريق علي صاحبك." خالد بفرحة شديدة"الصراحة أيوه بتريق وفرحان سيبني أخد فرصتي يا جدع ده أنا كنت مستني اللحظة ديه بفارغ الصبر." محمد بعصبية"الصحاب في إجازة بجد أخص يا صاحبي أو يا اللي أفتكرتك صاحبي ." خالد ممازحا محمد"يا عم أقعد كده متعملش روحك مجروح وزعلان يلا ده أنتا مفروض تفرح يبني الجواز من واحدة مصرية صغيرة في السن يعني نكد وهم العمر كله ولو أجنبية هيبقي فرق عادات وتقاليد ومش هنستمر مع بعض مفيش أحسن من واحدة تبقي أجنبية كبيرة في السن تبقي مليونيرة كده زي ما أنا بدور كده يا شيخ ونبي عليك لتدعيلي أصلي أنتا دعوتك مستجابة يا مولانا." محمد بغضب"اللهي تموت وارتاح منك يا شيخ." رد خالد ممازحا"وأهون عليك يا صاحبي ،أنا عارف أني قلبك أبيض والدعوة من ورا قلبك." رد محمد بغيظ مصطنع"يا شيخ روح في داهية كده إنسان مستفز." رد خالد ببرود"أنا مستفز ماشي يا محمد يا محترم مش هرد عليك علشان أنتا حبيبي." رد محمد بغضب "يبني بطل برودك ده ." رد خالد ببرود أكثر"لازم أبقي بارد في الجو النار ده يا عم الحاج." رد محمد بعصبية"مش حلوة علي فكرة." رد خالد عليه ببرود ليس له مثيل مع ثقة زائدة"كفاية أني قولتها يبني لازم تبقي حلوة ." رد محمد بعصبية "واخد مقلب في نفسك أوي أنتا علي فكرة." رد خالد بجدية "سيبك مني دلوقتي قررت أيه بقي هتبقي زيي وتقضيها ولا أيه؟." رد محمد علي كلام خالد بحزم وتفاؤل "لا ياعم أنا هسيبها علي الله وأكيد هلاقي اللي تحبني وأحبها وأتجوزها علي سنة الله ورسوله وأبوها يبقي متساهل عليها ." رد خالد مشاكسا "في المشمش يا صاحبي." رد محمد بغضب "تصدق أنتا يلا أنك عاوز تضرب وأنا هضربك." ركض محمد نحو خالد وظل خالد يركض في الشارع خوفا من أن يمسكه رد محمد "هتهرب مني فين هتتضرب يعني هتتضرب النهارده." -----------&&&&&----------------------------------المشهد الخامس "محمد يلتقي بجارته فاطمة بعد انتهاؤه من العمل بصدفة " يبدأ المشهد فاطمة "محمد ؟،أخبارك أيه ؟،عامل أيه يعني مش باين كده ؟." رد محمد باحترام"عاملة أيه يا أستاذة فاطمة وأخبار الوالد الاستاذ مدحت أيه؟" ردت فاطمة بعفوية"أستاذة ؟!!،انتا بتقول أيه يا محمد أمال لو مكناش من سن بعض ومتربين سوا وزي الأخوات بالصبط أيه أستاذة ديه وأنا غريبة ده إحنا أهل وعشرة عمر كله ." رد محمد متعجبا من ردها "مقصدش والله كل ده بس أنا بحترمك ومقصدش تزعلي مني وفي نفس الوقت لازم أحترمك." ردت فاطمة عليه وحاولت أن تهدأ نفسها "ماشي عارفك بتحترمني بس لدرجة أستاذة ده كده مش احترام أنتا كده بتغربها خالص يا محمد يا أخويا." رد محمد ممازحا"خلاص اللي تشوفيه أقوله." ردت فاطمة بعصبية"يعني أيه اللي تشوفيه أنتا بتخدني علي قد عقلي ." رد محمد ضاحكاً"ياه يا فاطمة طول عمرك بتعرفي تطلعني من اللي أنا فيه مهما كنت زعلان." ردت فاطمة بثقة "طبعا طول عمري ،أيوه كده هو ده الكلام المهم سيبك من كل اللي حصل مالك يا سيدي أيه اللي مزعلك بس أيه اللي حصل ؟" رد محمد عليها يحاول إخفاء ما يحزنه"مفيش حاجة يا فاطمة." ردت فاطمة بعصبية"برضه عليا أنا ده إحنا عشرة عمر يا محمد يا أخويا عشرين سنة كاملة أنا أعرفك أكتر من نفسك أيه اللي مزعلك قول مش ساببك غير ما تقول لو مقولتش هزعل بجد منك " رد محمد وكأن رده وصل إلي أعماق فؤاد جارته فاطمة وهز كيانها"وأنا مقدرش علي زعلك." ردت فاطمة وقد أحمر وجهها خجلا وأنزلت وجهها في الأرض"طيب وأنا أقول أيه مش بعرف أرد علي الكلام ده يا محمد يا أخويا وانتا عارف كده كويس أيه الكسفة ديه " رد محمد عليها "مقصدش والله أكسفك " ردت فاطمة بضحكة قد قلبت محمد رأسا علي عقب "طيب سيبك من كسفتي دلوقتي وأحكي مالك أيه اللي مزعلك؟" رد محمد بحزن "الصراحة يا فاطمة زعلان جدا اتقدمت ليارا بنت الحاج إسماعيل سعيد وفضل يغلي عليا في التكاليف ووالدي رفض الطلبات والجوازة فركشت ومش عارف أعمل ايه وخايف أروح لأي حد أطلب أيد بنته يعمل زي ما عمل الحاج إسماعيل حقيقي مش عارف أعمل ايه " ردت فاطمة بعصبية حاولت إخفاؤها ولكن لم تستطع"وانتا مين يغلي عليك ولا يرفضك ده أنتا زين الشباب كلها وهم يطولوا أنتا تتقدم لبنتهم وبنتهم أصلا متستهلكش أنتا تستاهل واحدة متوسطة القوام طولها ١٦٥سم سنها عشرين سنة خريجة كلية حقوق وعينيها خضرا وبتكتب روايات (نفس مواصفات فاطمة 😂😂🙂)مش واحدة بضب زي شكمان العربية." رد محمد ممازحا "الظاهر في إجماع علي أني يارا بضب ووشها عامل زي شكمان العربية نفس كلام والدي برضه وقت الخناقة بس زود عليها أنه بايظ ردت فاطمة بمزاح ممزوج بغضب قليلاً"والله عمي بيفهم عنده حق ." رد محمد"ولكن كل المواصفات ديه تقصدي أيه بيها ." ردت فاطمة بعصبية"نعم يا محمد يا أخويا أقولك أيه هو البعيد مش بيفهم طيب أوضح أكتر أسمها فاطمة بنت الاستاذ مدحت وبتكلمك دلوقتي عرفتها ولا لا يا سي محمد يلا سلام ." محمد ممازحا "أها اعرفها كويس وأعرف أنها بنت جدعة كويس بس مكنتش أعرف أنها بتحبني الحب ده كله ." ردت فاطمة بخجل مع فرحة "طب سلام بقي " رد محمد "أستني هنا أنا هروح لوالدي حالا وهنتقدم لوالدك النهارده سلام." -----------&&&---------------------------------------المشهد السادس" محمد يفتح علي والده الحاج فؤاد الزواج من فاطمة " ألقي محمد علي والده "سلام عليكم ورحمة الله وبركاته يا أحسن وأفضل أب في الكون ." رد الحاج فؤاد التحية بغضب"وعليكم السلام ورحمة الله وبركاته خير يا أخر صبري عاوز أيه تاني هنتقدم لمين المرادي ؟." رد محمد مندهشا"عرفت إزاي يا بابا ؟" الحاج فؤاد"أنا كنت حاسس يبني إحنا مش متقدمين للزفت الحاج إسماعيل سعيد والراجل الواطي طلب طلبات لو جورجينا مش هيطلبها أمال لو مكنتش بس خريجة تجارة أمال لو كانت خريجة كلية طب بشري ولا سياسة واقتصاد كان عمل أيه راجل متكبر شايف نفسه علي الفاضي المهم قولي مين الشحرورة الجديدة ؟" رد محمد بفرحة "فاطمة بنت الاستاذ مدحت مدرس الفيزيا جارتنا ومؤدبة ومحترمة وأبوها راجل يعرف ربنا ." رد الحاج فؤاد"ما المشكلة أنك قولت نفس البوقين المرة اللي فات وطلع راجل مادي ويم.وت علي القرش والمشكلة برضه أن الصراحة المرة اللي فاتت أنا أصدمت فيه أنا أفتكرت هيتساهل معانا طلع إنسان كل همه الفلوس." رد محمد واثقا "لا متقلقش المرادي أنا واثق من الموضوع." رد الحاج فؤاد"أتمني ربنا يتمملك على خير يا ابني يارب علي بركة الله هنتقدم دلوقتي خير البر عاجله." -------&&&&&-------------------------------- المشهد السابع قبل الاخير "محمد ووالده الحاج فؤاد يتقدموا للاستاذ مدحت لطلب يد فاطمة " يبدأ المشهد بطرق الباب الحاج فؤاد"السلام عليكم ورحمة الله وبركاته يا أهل الدار ." الاستاذ مدحت "مين بيخبط ؟" الحاج فؤاد"أنا الحاج فؤاد مبروك يا أستاذ مدحت." فتح الاستاذ مدحت الباب وهو في غاية السعادة يصافح الحاج فؤاد وابنه محمد"أهلا وسهلا الشربات يا فاطمة.😂" الحاج فؤاد"شكل كده مفيش داعي لأي مقدمات علي بركة الله إحنا جايين نتقدم ونطلب أيد الآنسة فاطمة لابني الاستاذ محمد طلباتك يا أستاذ مدحت." رد الاستاذ مدحت في غاية السعادة"مليش طلبات صدقني الواحد بيناسب راجل وأنا بأمنه علي عرضي فمش عايز منه غير يحافظ عليها بس علشان الشكليات اللي تقوله حقيقي يا حاج فؤاد وأنا معاك في أي حاجة أهم حاجة سعادتهم." رد الحاج فؤاد"ونعم الكلام الموزون العاقل والله أخجلتني بكلامك بس الصراحة علشان مبقاش ظلمتك أنتا اللي لازم تقول بنفسك." رد الاستاذ مدحت "بصوا صلوا على النبي أنا عارف أن ابنك محمد وبنتي فاطمة بيحبوا بعض حب شريف الحب مش عيب ولا حرام طالما ينتهي بجواز علي سنة الله ورسوله وما دام جه البيت من بابه فلازم أسهل عليه المهمة للآخر لأني لو مسهلتش هليجأوا للحرام ووقتها الحساب والعقاب يوم القيامة هيبقي لينا إحنا النصيب الأكبر فيه علشان كده دهب ١٠جرام والأكل عليا مفيش قاعة أفراح نجيب شيخ يقرأ قرآن يبارك الليلة وأي تكاليف تاني عليا أنا والقايمة أنا اللي همضي عليها والمؤخر أي مبلغ وخلاص يتكتب ربنا ما يجيب زعل ولا أي حاجة واي تكاليف علي العريس متقدروش علي تكاليفها عليا أنا المهم أسهل الحلال ربنا يتمم علي خير." رد الحاج فؤاد بذهول"والله أنتا راجل عسلية 😂😂♥️." تجوز محمد من فاطمة وأنجب منها ثالث أولاد الكبير فؤاد والأوسط خالد والصغير محمد وبنت أسمها فاطمة وتمر الأيام ويقابل محمد خالد ويدور بينهم الحوار الآتي ---------------&&&&&&&&&&&---------- المشهد الثامن والاخير خالد يقتنع أخيرا بكلام محمد ومحمد يعلم مصير يارا الفتاة التي تقدم لها قبل فاطمة هي وأخاها محمود محمد "ياه يا خالد والله زمان يا جدع فاكر يا خالد لما اتكلمنا عن الجواز قبل كده وانتا قولتلي أنك بدور علي نفرتيتي الأجنبية اللي هتخليك غني ؟." رد خالد متعجبا "آه فاكر بس الصراحة يا محمد الزمن خلاني غيرت رايي أو بمعني صح أنتا يا صاحبي اللي خلتني غيرت رأيي الصراحة أنا شوفت أني ربنا كرمك بزوجة صالحة وأطفال قمر الصراحة أنا بقالي كتير مش بسال عليك بس لما عرفت اللي حصل أنا الصراحة بدأت اغير رأيي." محمد بسعادة غامرة "ياه أخيراً يعني هتدور علي بنت الحلال وتبقي من سنك ." رد خالد ممازحا "لا هدور علي أجنبية تبقي صغيرة في السن بس تبقي غنية علشان مش لاقي كبار غير مصريات ومش لاقيين ياكلوا." رد محمد بغضب "مفيش فايدة هتفضل زي ما أنتا مش هتتغير." رد خالد ممازحا"يا عم بهزر متبقاش قفوش كده خلاص يا سيدي هدور علي واحدة مصرية تبقي من سني بس يلا ورينا همتك." رد محمد بسخرية"ليه حد قالك عني بخطب للناس ولا أيه ؟!!" رد خالد ممازحا"لا وانتا الصادق خاطبة " رد محمد بعصبية"يعني أعمل فيك أيه مستفز اقسم بالله الله يكون اللي هترتبط بيك امها داعية عليها ." رد خالد معتزا بنفسه بغرور بالغ "يبني يبقي ليها الشرف أي حد يعرفني ليه الشرف ربنا يخليني ليا ." رد محمد ممازحا "يخربيت النرجسية يا جدع أيه يلا النرجسية اللي عندك ديه ." رد خالد "المهم نسيت أقولك مش يارا بنت الحاج إسماعيل اللي كنت متقدم ليها أتقدم ليها مهندس بترول كان جاي من الخليج." رد محمد بسرعة "يا عم بلاش نحكي في سيرة الناس كمان وطي صوتك الحكومة تسمعنا 😂😂🙂." رد خالد ممازحا "حكومة أيه أنتا مش مسيطر ولا أيه لا أمسح رقمي بقي 🙂." رد محمد ممازحا "أمسحه دلوقتي يا سيدي كمان بكره تتجوز وتخاف من أقل حاجة." رد خالد بغرور "لا يابا أصحي إحنا ملوك السيطرة." رد محمد "اتوكس تعرف تتوكس ؟" رد خالد بضيق مصطنع "ماشي يا عم محمد أتوكس برضه ماشي يا محترم وبالحق نسيت أقولك وكمان أبن الحاج إسماعيل راح يتقدم لياسمين بنت الأسطي طلب منهم أكثر من اللي طلبه منه ." رد محمد بغضب "يا عم أنتا أنتا ناوي تخليني أبيت بره البيت ولا ايه يا عم المدام بتغير وبالذات من أي حد تبع عيلة يارا أسكت بقي ." رد خالد بسخرية"يا عيني علي الرجالة هي وصلت أنك تبيت بره البيت لا أمسح رقمي بجد المرادي." رد محمد بجدية"لا بجد يا خالد فاطمة بتقدرني بس بتغير وحقها الصراحة محدش يقدر يلومها فأسكت بقي لأنها بتتعصب لما بتيجي السيرة ديه علشان كده أنا أستاجرت الشقة ديه بعد ما أهلي ماتوا كلهم من حادثة الطريق اللي كانت من سنة علشان الموضوع ده واسكت بقي ." رد خالد بجدية مصطنعة "ماشي بس فعلا أنا ناوي أخطب فعايزك تدورلي علي واحدة من النهارده." رد محمد بسعادة بالغة "ياه أخيراً لقد هرمت واتمرمطت وم.ت من أجل هذه اللحظة بجد ربنا يتمم علي خير يارب ." رد خالد بسعادة متبادلة"ربنا يخليك ليا يا أفضل أخ ليا في الوجود." تمت بقلم (الكاتب أبوالفتوح كسبان أبوالفتوح والكاتب مروان كسبان أبوالفتوح.) الحصول على الرابط Facebook Twitter Pinterest بريد إلكتروني التطبيقات الأخرى - أبريل 17, 2023 قراءة المزيد
السلام عليكم ورحمة الله وبركاته أهلا بيكم في مدونة موهوبين لدعم أي موهوب الحصول على الرابط Facebook Twitter Pinterest بريد إلكتروني التطبيقات الأخرى - أبريل 15, 2023 قراءة المزيد